الولد والديك ....

في ولد طفران (مامعو ولا ليرة ) راح لابو وقلو :بابا أعطيني 50 ليرة بدي اشتري طابة

الاب :روح من وشي ماني فاضيلك يا صبي

الولد :بابا الله يخليك بس 50 ليرة طيب خليون 25

الاب :مامعي مصاري ... إذا بدك روح بيع الديك المريض اللي عنا بالجنينة

الولد :بس هاد مريض وما حدا بيشتريه

الاب : تصطفل دبر حالك

الولد استسلم للأمر الواقع واخد الديك وراح يبيعو

أول واحد شافو هو وطالع من البيت أبوه....

قلوالولد: تشتري الديك؟

الاب : بتروح من وشي احسن ما اضربك

الولد :خلص خلص

طلع الولد من البيت ومعو الديك في محاوله يائسه انو الديك رح ينباع

عرض الديك على أهل الحاره كلهم ولا واحد فيهم قبل إنو يشتري الديك

قال الولد: ممممممممم...والله ماالي غير هالمرا ...

عقلها خفيف وأكيد بقدر ألعب عليها بسهوله (المرا كانت وحده متزوجه)

راح لعندا الولد مشان يبيعا الديك

الولد :مرحبا تشتري الديك

المرا :اهلين يا حباب .. تعا قرب مني عشان ابوسك

الولد :ماني فاضي لك .. خذي مني الديك وخليني روح

شوي الا الباب يدق خافت (المرا)

وقالت للولد تعال فوت اتخبا بالخزانة

ليكون زوجي و نروح فيها.

حطت الولد في الخزانة وراحت فتحت الباب طلع صديقها !!!

المرا :اهلين حياتي اتفضل

الرجال: اهلين كيفك

وما كمل كلمتو إلا والباب يدق مرة تانية

المرا : ياويلي ...هاد شكلو زوجي...تعا وادخول بالخزانة

دخل الرجال بالخزانة وفجاه في عز الظلام سمع صوت يكلمه داخل الخزانة

ويقول له: تشتري الديك؟

الرجال: اشششششششش......وطي صوتك يرحم بيك لاتفضحنا

الولد :عم قلك تشتري الديك؟

الرجال: يااخي ماشي بشتري الديك بس لا عاد تحكي

الولد :طيب

الرجال: كام حقو؟

الولد :500 ليرة

الرجال: شووو!!!!!!!!!!!! هالديك المنتوف المريض ب500ليرة!!!!!!!!!!!!

الولد : تشتري ولا ارفع صوتي؟

الرجال: لا لا خلص...بشتري وأمري لله

بعد 5 دقايق

الولد :تبيع الديك؟

الرجال: لسا من شوي بعتني ياه يابن الحلال!!

الولد :تبيعه ولا ارفع صوتي؟

الرجال: لا لا خلاص..ابيعه وأمري لله..بكم تشتريه؟

الولد :ب 5ليرات

الرجال: شو!! 5 ليرات!!!! انا مشتريه منك ب 500 وانت تشتريه مني ب5ليرات

الولد :تبيعو ولا ارفع صوتي؟

الرجال: لا لا خلاص..ببيعو وأمري لله

بعد 5 دقيق كمان

الولد: تشتري الديك؟

الرجال: يا اخ من شوي اشتريتو منك !

الولد : تشتري ولا ارفع صوتي؟

الرجال: لا لا خلاص..بشتري وأمري لله...بكام بدك تبيعو ؟

الولد :ب1000ليرة

الرجال: الله ياخدك انشالله ...من شوي اشتريتو منك ب 500ليرة!

الولد : تشتري ولا ارفع صوتي؟

الرجال: لا لا خلاص..بشتري وأمري لله

كمان 5 دقايق

الولد :تبيع الديك؟

الرجال: انا لله و إنا إليه راجعون .....بكام بدك تشتريه؟

الولد :بليرة

الرجال: شو بدي قول !! ببكي ولا بشق تيابي ...خود الديك ببلاش وحل عني بس

بعد قليل فتحت المرا باب الخزانة

وقالتلون: يالله بسرعه اطلعو قبل ما يطلع جوزي من الحمام واحد واحد حتى ما يحس

طلع الرجال اول شي وبعدو بشوي طلع الولد

الولد يتمشى في الشارع وهومبسووووط واشترى طابة وبوظة وعزم رفقاتو وبعدين

راح عالبيت لما دخل شاف ابوه قدامو ..

راح لعند ابوه : تشتري الديك؟

الأب اتطلع فيه والشرار طالع من عيونو

وقالو : ما كفاك يا ابن (........)الــ 1500 ليرةاللي لطشتا مني بالخزانة