ببــــديـــهـــيـــات

من طرف JU1ST ANGEL الثلاثاء ديسمبر 02, 2008 12:27 am

واحد معصب و عم يحككككي....

مرحبا,

خليكم معي ........

ببــــديـــهـــيـــات ســـــــــــــوريّة

بتكون قاعد بامان الله عم تتفرج على فلم عم تستنا فيه من اسبوع ليطلع.... وفجأة بفوت ابوك وبقلك : شوووو عم تتفرج على فلم ....... لا عم بتفرج على برنامج ارضنا الخضراء ....((وكل هالتسميعة بتكون مشان يقلب عالجزيره او العربية مشان يسمع اخبار طول النهار قاعد يسمع فيها)) عكلٍ اذا كبر ابوك خاويه .

هي خالصين منها ..

بتطلع بميكرو(سرفيس) وبتقعد بعد ما بيكونو تيابك معلّمة عليها آثار اللبط والترفيس .. وبتطلع من جيبتك ( خمسة ليرات) وبتعطيها للي ئدامك، وبكل برودة بيئلك: واحد؟

لأ 60 !!!!!!!!!!!!!!!!!؟ ورجعلي الباقي ..

بدك تنزل من الميكرو: بتقلو للشوفير عاليمين زكاتك.... بتتلقى الرد: نازل ؟؟

لا والله بس عم جرب صوتي.

مذيعة بيوم العيد عم تلفلف بالشوارع وتلطي ع كم مواطن وتسأل وبنفس الوقت هي بتجاوب: شو بتساوي اول يوم العيد ؟ أكيد بتروح بتزور الأهل والقرايب..

لا والله بالعادة بفكر العب دء طميمة وماروح لعندهم ..

نفس المذيعة بتشوف ولد بالشارع وبتساله؟ حبيبي بتحب البابا والماما؟

لا مابحبهم , بحب البوسنة والهرسك

و بعدين ..؟؟

حاطت راسك ونازل دحي بهالكتب والدراسة، بيجي أبوك أو امك...بقلولك بكل برودة : عم تدرس؟

لا والله ...!! عم غير زيت للسيارة هففففففففف..

حامل سماعة التلفون وعم تبلش تدق بالأرقام، بيجيك عنصر مفاجئة من أهلك وعلى وجههم علائم لإستغراب والدهشة . وشو بيقولولك : بدك تحكي بالتلفون؟

لأ شو إحكي !!! بس كنت عم جرب صوت طنة الأرقام.

شي بيجنن يااااااااااا ..

لابس أحلى لبس عندك ومتعطّر وشايل مفاتيح السيارة وجزدانك و طاير لبرا البيت، بيجي حدا من أهلك بيسألك، شو رايحلك شي مشوار !!؟؟

لا والله طالع عالأسطوح صلّح الدش..

بتكون طالع من الحمام وريحة النظافة والشامبو معبية البيت فبيجي حدا كمان من أهك بقلك شو متحمم ؟؟؟؟!!!!

لا والله كنت عم عزل مجرور البناية ......

بسيطة ولوووو ..

معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه إجيتوا ؟؟؟

لا والله لساتنا عالطريق، في عجئةعند اشارات الكرة الأرضية.......

كتير هيك ..

متلّحف بتختك ونايم ومطفي الضو ومتغطي بالبطانية وتمك مفتوح متل مغارة جعيتا، بيجي واحد من أهلك بيفتح الباب ويقول :شو نايم ؟؟

لأ !! عم ارقص.. بس الوضع بيوحي إني نايم..

شي بطقق

و شو من شان المذيعات السوريات .. يلي أخف من النسمة علي قلبي .. و خاصة بأيام العيد .. (كل عام و أنتو بخير بمناسبة كل شي جاية عياد) ..

ليش مذيعاتنا دائما عندون نفس الأسئلة؟؟

ليش كل الشعب حفظان شو هي الأسئلة؟؟

ليش ما بتتغير هالأسئلة؟؟

يعني المذيعة بتروح على شي حديقة أو شي مطرح متجمعين فيه الأولاد الصغار بالعيد..... وبتبلش بالأسئلة الفذة تبعونها....

اشتريت لبس جديد على العيد حبيبي؟؟؟

يعني شوبتتوقع يقولها؟؟

لأ...ما اشتريت لبس جديد....

هادول سرقة من على حبل الغسيل تبع الجيران ولا بتتوقع يقولها أخدت لبس أخي الكبير تبع السنة لماضية ولبستو...؟؟

طيب بلكي فعلا كان في ولد هيك وضعو.... ليش حتى تسألو وتكسرلو نفسيتو قدام بقية الأولاد..

و بتابع اسئلتها .. شو بتشتري بالعيد...شوكولاته وأكلات طيبة؟؟

لا والله...على العيد بشتري 10 غرام حشيش...وبنقعد نصطهج فيون أنا ورفقاتي.....

وبعدين بنأرجل.... وبناخدلنا كاسين وسكي ... يعني الولد الصغير شو بيحب يشتري وياكل؟؟ مجدرة ولا عدس بحامض؟؟

شو بتعمل بالعيد احكيلنا حبيبي....بتلعب بالمراجيح؟؟

لأ أبدا...ما بقرب صوب المراجيح....بالعيد بروح بلعب مصارعة رومانية...وشوية تايكواندو....

بتلعب مع أصحابك بالعيد؟؟

أعوذ بالله... شو مع أصحابي... أبدا... بنزل بلعب مع شوفيرية التكاسي وصاحبين البسطات ...

مع مين بتحب تروح بالعيد؟؟ مع ماما و بابا؟؟

لاوالله بروح مع الجيران او بروح بزور القبور مشان اتعظ.....

احكيلنا ...وين بتروحو بالعيد إنت ورفقاتك... حبيبي....؟

ما بدها سؤال...على الكباريه... لترين عرق.... 4 رقاصات .....2 على اليمين و2 على اليسار....

طيب مذيعاتنا المهمات... ما عبيلاحظوا كيف الولد عبيتلعثم...

وعبيتلبك... وما عبيعرف يحكي... ومالو رايد يحكي....

وبلشت تشط ريالتو من العبطة... وما عبيطلع صوتو....وما عبيحكي شي....؟؟؟

هالمذيعة الحنونة هاي.... ما عبيطلع من خاطرها تترك الولد بحالو؟؟

ما عبتلاحظ إنو الولد ما بدويحكي....؟؟

لك اتركيه بحالو....

ما عبتلاحظ المسكين قديش معبوط ومتدايق وعلى شوي راح يبكي بدو ماما... نزعتلو العيد وأبو العيد....

إي شو هالحنية الزايدة هاي؟؟

يحرق حريشون على هالأسئلة شي بوجع الراس ما ؟؟

اعذروني اذا ما كتبتلكم شي حلو,, بس و حياة باصات الدولة قلة وقت ..

ودمتم بخير............

الله يخليلنا مزيعاتنا يااااااااااااااااااارب

من طرف زهرة البيلسان الجمعة ديسمبر 05, 2008 3:22 am

لك آآآآآآآآآآآآآآآآآآآآآآآآآآآآآآآمين ..من تمك لبواب السما ياعمووورة
شكرا كتير برات

ببــــديـــهـــيـــات

ببــــديـــهـــيـــات

رد: ببــــديـــهـــيـــات

رد: ببــــديـــهـــيـــات